अस्वस्थ भारताचे चित्र . . .





अस्वस्थ भारताचे चित्र . . .

 

मी अस्वस्थ भारताचे चित्र,

उघड्या डोळ्यांनी पाहतो. . .

तरुणांच्या अस्वस्थ गोंधळाला पाहतो,

पालकांच्या केविलवाण्या धडपडीला पाहतो,

आणि अस्वस्थ भारताचे चित्र रेखाटतो.

 

इथे प्रत्येकच श्वास अस्वस्थ. . .

श्रीमंत-गरीब, 

स्त्री-पुरुष,

शोषक-शोषित,

भांडवलदार-मजूर,

शिक्षक-विध्यार्थी,

अधिकारी-कर्मचारी,

सरकार-शेतकरी,

अन~ खाऊन न पचलेला ढेरपोट्या आणि उपासने खपाटीला पोट गेलेला. . .

 

सत्तेत असणारे सत्ता टिकवण्यात,

सत्तेत नसणारे सत्ता काबीज करण्यात

जीवाचे रान, धनाची खान, अपराधाचे अगणित बाण,

लुंगे सुंगे, पोटाची थाळी, चोरी मारी,

धावा-धाव, अफरा-तफर, वाट दिसेल पळ सुसाट,

 अस्ता-व्यस्त, रक्तपात, चामडी सोडा-अवयवाचा गोळा,

अस्वस्थ भारताचे चित्र . . . .. .

माणूस उध्वस्त. . . .

 

---------प्रा. पद्माकर तामगाडगे, मुंबई ---------