देश वाचला पाहिजे

देश वाचला पाहिजे

 

टमरेलात  पाणी भरून परसाकड जातो

तवा पानटपरीवरच्या  एफेमवर दिल्ली केंद्राच्या बातम्या. . .

"देशाच्या आर्थिक चलनवाढीत दोन अंकी वाढ"

म्हणजे नेमकं काय हो भौ ?

टेक्नोलॉजी का फेक्नोलॉजी विकसित झाली

म्हणजे काय हो भौ ?

च्यायला सरकार बी च्युत्याच हाय. . .

तो ओबामा का कोण येऊन गेला

त्याचा गाव कोणता हो भौ ?

कम्प्युटर-फाम्प्यूटर का थे वावराच्या कामाचा मिशिन हाय ?

तुम्ही शिकले सावरले म्हणून इच्यारतो भौ !                                  

सेझ-फेज कायले लावून खाते भौ ?

थे जागतिकीकरण, खाजगीकरण, उदारीकरण

हे का नवं गजकरण हायेत ?

कंबर मोडीच्या पाल्यान पार पळते म्हणावं

लय जालीम रस त्याचा.

जखमेवर लावला का जीव जाते पण गुण येते.

नाही का भौ ?

आपल्या देशाले वाचवला पाहिजे का न्हाय  भौ ?

 

 

पद्माकर तामगाडगे, मुंबई