Skip to main content

बाप नावाचा माणूस

बाप नावाचा माणूस

'बाप' हा कोणत्या रसाचा संयोग आहे?
आपण जाणताच 'उत्साह' त्याचा स्थायी आहे.

सुखदुःखाची पिळदार वीण कधी सैल होऊ देत नाही
कोसळणार्या दुःखाची आप्तांना झळ बसू देत नाही
इवल्याशा पंखात आभाळ सामावणारा जागल्या आहे
डोळ्यांत करुणा पण अश्रूंची त्याला मनाई आहे
आपण जाणताच 'उत्साह' त्याचा स्थायी आहे.

शृंगाराचा भूतकाळी डेटा रिसायकलबीन मध्ये आहे
विभाव आलंबनाचा प्रत्यय घ्यायला फारंच रसविघ्ने आहे
मंचावरचा रंग आता भयंकराच्या आवर्तात फिरतोय
भावाचा संचार सदोदित भवतालात भीरभीरतोय
रौद्राची ढाल अन् क्रोधाची तलवार हीच कमाई आहे
आपण जाणताच 'उत्साह' त्याचा स्थायी आहे.

बिभत्सतेचा स्वानुभव क्षणाक्षणाला झेलून घेतो
अदभूताच्या विहंगतेला अंतरंगी रेलून देतो
जुगुप्सा नाही, विस्मय नाही कष्टाने तो कातळ होतो
असे नाही रे ! संसाराचा अवघा रस पातळ होतो?
मिळून अवघ्या आठ रसाचा फक्त 'बाप'च स्थायी आहे
आपण जाणताच 'उत्साह' त्याचा स्थायी आहे.

'बाप' नावाच्या सात्विकतेला अनुभावाचे वावडे आहे
सानथोरांच्या हर्षक्षणांचे त्याच्यासाठी सोहळे आहे
अंतरंगातील काजळलेल्या चित्तवृत्तीचा मधूरस आहे
हर्षखेदादी रसरसलेला 'बाप' नावाचा माणूस आहे
भरकटलेल्या गणगोत्याच्या वाटेची ती समई आहे
आपण जाणताच 'उत्साह' त्याचा स्थायी आहे.

-पद्माकर तामगाडगे


Comments

  1. Unknown16 January 2018 at 01:28

    https://kahiaaplasa.blogspot.in/2018/01/blog-post_15.html

    ReplyDelete

Post a Comment

Popular posts from this blog

तृतीयपंथीयांची अवहेलना का ?

तृतीयपंथीयांची अवहेलना का ? डॉ. पद्माकर तामगाडगे,             तृतीयपंथी, हिजडा, किन्नर, नपुंसक, षंढ असे नानाविध दुषणे लावून मानवी समाजातील एका संवेदनशील जीवाचे, माणसाचे माणूसपण हिरावून घेणे हे लाजिरवाणे नव्हे काय? जगात केवळ दोन लिंग अस्तित्वात आहे आणि ते म्हणजे स्त्री आणि पुरुष. तिसऱ्या लिंगाच्या माणसाने कुठे जायचे? त्याला जगण्याचा अधिकार नाही का ? वरील शब्द उच्चारताच हीन भाव उत्पन्न होतो. त्याचे कारण समाजाची मानसिकता हेच आहे. महाराष्ट्र शब्द कोशात दिलेल्या अर्थानुसार ‘हिजडा’ म्हणजे पुरुष वेषधारी नपुंसक, षंढ, निर्लज्ज- बीभत्स हावभाव, भाषण करणारा माणूस. किंवा निसत्व, दुबळा, पौरुष्यहीन माणूस, त्यातही पुष्टी जोडून काही हिजडे स्त्रीवेशात गावात दरसाल गरिबश्रीमान्तांकडून पैसे उकळतात त्यास वतनदार हिजडे म्हणतात. असे वर्णन येते. हे संपूर्ण हीनता व्यक्त करणारे व याच मानसिकतेतून तृतीयपंथीयांना हीन वर्तन करण्यास प्रवृत्त करणारी वागणूक हा समाज देतो. आज तृतीयापंथीयांच्या अशा बीभत्स स्थितीला समाजाची मानसिकताच जबाबदार आहे. कारण माणूस म...
Post a Comment
Read more

ब्रेस्ट टॅक्स आणि नांगेली

*"Breast Taxes and Nangali via Sunny Leone"* singing the praise of our Prosperous culture to telling the pride of our traditions our throat does not dry up. And we never stoop. From our maternal culture to the advertising hub take a snap oh good man! Where was the Left's strong woman empire,  and as well there are also the devotees of Sunny Leone. There is worship of mother-goddess.  And at the same they are sucking  the mother honour at every square.  And Empire of Travancore drew up the Breast tax in the name of Mulkkram. And in the history of Kerala Nangeli go to closed one practice permanently the breast will not keep open and Taxes will not be taxed On the basis of breast size. She Cut the breast and keeping into banana leaf. She maintains the honors of feminism.  Kicking out on the orthodox end. Leone ,do you get some insight? You, you are the Google Search of the Year. and Best Porn star as well. Your brewing business reached to the top. Ungrateful histor...
4 comments
Read more

अचल चेतनागृह : राजगृह -डॉ. पद्माकर तामगाडगे

अचल चेतनागृह : “राजगृह” “Education is not preparation for life: education is life itself.” John Dewey डॉ . बाबासाहेब आंबेडकरांचा आयुष्यपट पहिला तरी जगातील प्रत्येक माणूस दिपून जातो असा लख्ख जीवन प्रवास जगातील अपवादात्मक विभूतीचाच असेल! किंबहुना फक्त डॉ. बाबासाहेबांचाच असेल... आयुष्यातील एकेक घटना आणि त्या घटना-प्रसंगांना येणारे अवघड वळण, आयुष्याच्या पावलोपावली येणारा नित्य संघर्ष. अस्पृश्यतेच्या सावटाखाली जगतांना येणाऱ्या अपमानाची झळ सोसत सर्वोच्च स्थानी पोहोचण्याचे परम ध्येय. उजेड मागत फिरणाऱ्या कफल्लक पिढ्यांना त्यांच्या झोळ्या लख्ख प्रकाशाने भरून काळोखाला प्रकाशमान करणारा हा महासूर्य. एकाच आयुष्यात अलौकिक म्हणावे, जादुई म्हणावे असे कार्य या महामानवाच्या हयातीत त्यांनी केले आहे. त्यांच्या उत्तुंग कार्याचा, व्यक्तिमत्वाचा वेध शब्दात पकडता येईल असा शब्दच कोणत्या भाषेत उपलब्ध नाही. अशाच एका पैलूचा या निमित्ताने धांडोळा या लेखाच्या निमित्ताने घेणार आहोत. महामानव डॉ. बाबासाहेबांचे एकूण आयुष्य पहिले तर प्रत्येक गोष्टीसाठी धडपड आहे. कोणतीच गोष्ट त्यांना सहजासहजी प्राप्त झाली नाह...
Post a Comment
Read more